«Брайтон» бош мураббийи Фабиан Хюрцелер, агар жамоа натижалари яхши томонга ўзгармаса, яқин ҳафталарда истеъфога чиқарилиши мумкин.

«The Telegraph» нашри журналисти Мэтт Лоунинг ёзишича, АПЛдаги ғалабасиз бешта ўйиндан сўнг германиялик мутахассиснинг келажаги катта сўроқ остида қолган. Кейинги баҳслар ёш мураббийнинг «чайкалар» лагеридаги фаолиятида ҳал қилувчи аҳамиятга эга бўлади.

Эслатиб ўтамиз, шу ҳафтада АПЛнинг иккита клубида мураббийлар истеъфоси юз берди — булар Томас Франк («Тоттенхэм») ва Шон Дайч («Ноттингем Форест»).

Хюрцелер ўтган мавсумдан бери «Брайтон» бош мураббийи бўлиб ишлаб келмоқда. Унинг қўл остида жамоа ўтган мавсумни саккизинчи ўринда якунлаган эди. Жорий мавсумда эса «Брайтон» ҳозирча бор-йўғи 14-поғонани эгаллаб турибди.