Яқиндагина Томас Тухелнинг Англия футбол ассоциацияси билан шартномасини узайтиргани ва миллий терма жамоа бош мураббийи сифатида ишини давом эттириши эълон қилинган эди.
«The Touchline» нашрининг хабар беришича, Футбол ассоциациясидаги баъзи юқори мартабали шахслар Тухель билан шартнома узайтирилганидан норози бўлишган. Бу шахсларнинг фикрича, германиялик мутахассис бўйича қарорни фақатгина Жаҳон чемпионатидан кейин қабул қилиш керак эди. Бу турнир якунларига кўра нафақат натижани, балки тактик фалсафа ва етакчилик қобилиятлари каби жиҳатларни ҳам баҳолаш имконини берарди.
Ассоциациянинг айрим вакиллари шартноманинг узайтирилишига фақатгина Тухелни бошқа ишга жалб қилиб кетишлари мумкинлиги ҳақидаги хавотирлар сабаб бўлган деб ҳисоблашмоқда.
Аввалроқ Томас Тухелнинг ёзда «Манчестер Юнайтед» бош мураббийлиги учун номзодлар рўйхатига киритилгани ҳақида миш-мишлар тарқалган эди.
