«Тоттенхэм» жамоанинг янги бош мураббийи сифатида Игор Тудор билан ҳамкорлик қилишга тайёр, бироқ бу келишув фақат жорий мавсум якунига қадар давом этиши мумкин. Бу ҳақда инсайдер Фабрицио Романо хабар бермоқда.
Манбанинг тасдиқлашича, «шпорлар» ва мураббий томони аллақачон алоқа ўрнатишган. Лондон клуби раҳбарияти Тудорни вақтинчалик вариант сифатида кўрмоқда, ёзда эса жамоани доимий асосда бошқариш учун асосий номзодлар сифатида Роберто Де Дзерби ва Маурисио Почеттино вариантлари кўриб чиқилмоқда.
«Тоттенхэм» шу ҳафта бошида, аниқроғи 11 февраль куни Даниялик мутахассис Томас Франкни истеъфога чиқарди. У 2025 йилнинг ёзидан бери жамоани бошқариб келаётган эди. Айни дамда лондонликлар Англия Премьер-лигаси турнир жадвалида 16-ўринни эгаллаб туришибди.
Эслатиб ўтамиз, Игор Тудор жорий мавсум бошида «Ювентус»да ишлаган, бироқ октябрь ойида 8 та ўйиндан иборат ғалабасиз сериядан сўнг Турин клубидан ҳайдалган эди.
