Испания Кубогининг дастлабки ярим финалида "Барселона" сафарда "Атлетико"га 0:4 ҳисобида ютқазди. Бироқ каталонияликлар таслим бўлишмайди ва камбекка ишонишади. "Кўк-анорранглилар" сайтида "Атлетико" билан дуэлда камбекка ишонишнинг 5 сабаби" сарлавҳали материал эълон қилинди. Сабаблари қуйидагича кўринади:
1. Ханс-Дитер Флик мураббий этиб тайинланганидан буён "Барселона" 4 та гол фарқи билан 12 та ўйинда ғалаба қозонди;
2. Жароҳатдан сўнг футболчиларнинг қайтиши мумкинлиги;
3. "Камп Ноу" омили;
4. "ПСЖ"га қарши камбек (2017 йилда "Барселона" сафарда "ПСЖ"га 0:4 ҳисобида ютқазган, аммо кейин ўз уйида 6:1 ҳисобида ғалаба қозонган);
5. 1996/1997-йилги мавсум мисолида. Ўшанда "Барселона" "Атлетико"га қарши жавоб чорак финалидаги вазиятни ўзгартириб юборган ва икки ўйин натижасига кўра 7:6 ҳисобида ғалаба қозонган.
