"Брентфорд" ҳужумчиси Игор Тьяго болалигида Англия Премьер-лигаси ўйинларини қандай томоша қилгани ҳақида сўзлаб берди.
24 ёшли футболчи ажойиб мавсумни ўтказмоқда: у Англия чемпионати тўпурарлар пойгасида 26 ўйинда 17 та гол билан иккинчи ўринни эгаллаб турибди.
"Бошида футболга унчалик қизиқмасдим, лекин кейин акам мени ҳар ҳафта АПЛ ўйинларини, айниқса, "Манчестер Юнайтед" иштирокидаги баҳсларни томоша қилишга мажбур қилган. Вақт ўтиши билан мен бу жамоага боғланиб қолдим ва уни яхши кўриб қолдим", — дея бразилиялик форварднинг сўзларини келтиради Transfer News Live.
Игор Тьяго Англияга 2024 йилнинг ёзида кўчиб ўтган эди: "Брентфорд" уни Бельгиянинг "Брюгге" клубидан 33 млн еврога сотиб олган.













