"Ливерпуль" бош мураббийи Арне Слот Муҳаммад Салоҳнинг самарадорлиги пасайиши мавзусида мулоҳаза юритди. Ўтган мавсумда мисрлик футболчи 29 та гол ва 18 та голли узатма билан бир вақтнинг ўзида Премьер-лиганинг энг яхши тўпурари ва энг яхши ассистентига айланган эди.

Жорий мавсумда бундай кўрсаткичларга яқинлашишнинг имкони бўлмаса керак: ҳозирда 33 ёшли футболчи ҳисобида 18 та ўйинда тўртта гол ва олтита ассист мавжуд.

"Пасайишнинг бир қанча сабаблари бўлиши мумкин. Эҳтимол, шундай ажойиб мавсумдан сўнг рақиблар Муҳаммад Салоҳ қанчалик хавфли эканини янада яхшироқ англаб етишгандир, шунингдек, ўнг қанотда унинг ёнида ким ўйнаётгани ҳам таъсир қилади. Мен яна беш ёки олтита сабабни санаб ўтишим мумкин эди, лекин умуман олганда, биз аввалгидек кўп вазиятлар яратаётганимизни ва лигада тўп назорати бўйича энг юқори кўрсаткичга эга эканимизни кўряпман. Кўрамиз, Муҳаммад мавсумнинг якуний ойларида натижа кўрсатиш борасида ўзини қандай намоён этар экин", — дея инглиз ОАВлари Слотнинг сўзларини келтирмоқда.

Бугун "Ливерпуль" Англия Кубоги доирасида "Брайтон"га қарши майдонга тушади.