Собиқ ҳужумчи Серхио Агуэро "Барселона" вингери Ламин Ямал унда футбол учрашувларини томоша қилишга бўлган қизиқишни қайта уйғотганини тан олди.
"Тўғрисини айтсам, юрагимдаги муаммолардан сўнг футбол томоша қилишни деярли тўхтатган эдим. Аммо Ямалнинг "Барселона"да қандай ўйнаётганини кўрганимда, менда яна ўйинларни кўриш иштиёқи пайдо бўлди. Менга Ламин жуда ёқади — айнан у туфайли яна футбол кўряпман. Ёшлигимда мен майдонда у қилаётган ишларни қила олмасдим", — дея Агуэронинг сўзларини келтиради "The Touchline".
Аргентиналик футболчи Мадриднинг "Атлетико" ва "Манчестер Сити" клубларидаги ўйинлари билан машҳур. 2021 йилда ҳужумчи "Барселона"га ўтган эди, бироқ орадан ярим йил ўтиб, юқорида таъкидланган соғлиғидаги муаммолар сабабли фаолиятини якунлашга мажбур бўлган.
