Мадриднинг "Реал" клуби ҳозирда ижара асосида "Лион"да тўп сураётган бразилиялик ҳужумчи Эндрикка катта ишонч билдирмоқда.
"Teamtalk" журналистларининг маълумотларига кўра, "қироллик клуби" 19 ёшли бразилияликнинг жамоага қайтишини кутмоқда. "Қаймоқранглилар" кейинги мавсумда Эндрикнинг ёрдамига умид қилишяпти.
Ҳужумчига Лондоннинг "Арсенал", "Челси" ва "Тоттенхэм" клублари қизиқиш билдирган эди. Бироқ, "Реал"нинг қатъий позицияси сабабли унинг АПЛга трансфери амалга ошиши даргумон.
Франция чемпионатининг жорий мавсумида бразилиялик футболчи тўртта учрашувда майдонга тушди. Эндрик ўз ҳисобига учта гол ва битта голли узатмани ёздириб қўйишга муваффақ бўлди.
