"Челси" бош мураббийи Лиам Росеньор Англия Кубоги доирасида "Халл Сити"га қарши кечган ўйиндаги (4:0) жамоасининг иштирокига баҳо берди.
"Кўклар" Педру Нетунинг хет-триги ҳамда Эстевао Виллиан томонидан киритилган гол эвазига ғалаба қозонишди.
"Биринчи бўлимдаги ўйин ва футболчиларнинг кайфиятидан жуда мамнун бўлдим. Бизга қарши жиддий рақиб тўп тепди: жорий мавсумда "Халл" Чемпионшипда ҳайратланарли натижаларни кўрсатмоқда ва умид қиламанки, улар Премьер-лигага чиқишга муваффақ бўлишади. Бугунги ўйинда бизнинг бор кучимизни бериб ҳаракат қилганимиз ҳал қилувчи омил бўлди. Ҳар доим ишлаш керак бўлган жиҳатлар топилади, лекин мен натижадан жуда хурсандман", — деди Росеньор "BBC Sport"га берган интервьюсида.
21 февраль куни "Челси" Премьер-лига доирасида ўз майдонида "Бёрнли"ни қабул қилади.
