Испанияда Мадриднинг "Атлетико" ва "Барселона" жамоалари ўртасидаги Испания Кубоги ярим финалининг яқинда бўлиб ўтган ўйинини муҳокама қилишда давом этишмоқда.
Каталонияликлар қарама-қаршиликка фаворит сифатида етиб келишган эди, бироқ Мадриддаги дастлабки ўйинда 0:4 ҳисобида мағлубиятга учрашди. "The Athletic" нашрининг маълумотларига кўра, йирик мағлубиятнинг эртаси куни бўлиб ўтган учрашувда "Барселона" ўйинчилари мураббий Ханс-Дитер Флик билан унинг тактикаси борасида ўз фикрларини ўртоқлашган: футболчилар устозларидан кучли рақибларга қарши муҳим ўйинларда кўпроқ прагматик ёндашувдан фойдаланишни сўрашган. Шунингдек, суҳбат давомида ўз футболининг асосий тамойилларидан воз кечмаган ҳолда, "Атлетико" даражасидаги рақибларга мослашиш зарурлиги ҳақида сўз борган.
Ярим финалнинг жавоб учрашуви 3 март куни "Камп Ноу" стадионида бўлиб ўтади.
