"Челси" клуби "Борнмут" ҳимоячиси Маркос Сенесига қизиқиш билдирмоқда.
Ўйинчининг меҳнат шартномаси шу ёзда якунига етади. Агар Сенеси янги келишувга қўл қўймаса, ёзда эркин агентга айланади. Бундай ҳолатда ҳимоячи исталган жамоага бепул ўтиш имкониятига эга бўлади. Шунингдек, "Борнмут" футболчисига "Барселона", "Ювентус", "Эвертон", "Кристал Пэлас" ва "Брайтон" клублари ҳам даъвогарлик қилмоқда. "Transfermarkt" ўйинчининг қийматини 22 миллион еврога баҳолаган.
Маркос Сенеси "Борнмут" сафида жами 116 та учрашув ўтказди. Уларда ҳимоячи олтита гол урди ва тўққизта голли узатмани амалга оширди.
