Лондоннинг "Арсенал" клуби "Бавария"га яримҳимоячи Луис Густаво ҳариди юзасидан расмий таклиф билан чиқди. Бу ҳақда Sky Sports хабар беради.
Лондонликлар Густаво учун 17,2 миллион фунт таклиф қилмоқдалар.
Эслатиб ўтамиз, "Барселона"дан Тиаго Алькантарани ҳарид қилганидан сўнг "Бавария" ушбу яримҳимоячисининг хизматларига ортиқ эҳтиёж сезмаяпти ва у билан хайрлашишга қарор қилган.
Аввалроқ Бразилия терма жамоасининг 26 ёшли ўйинчиси учун мюнхенликлар 18-20 миллион евро атрофида сўраётганлари ва у "Арсенал"га ўтишга яқин тургани ҳақида хабар қилинганди.
Густавога, шунингдек, "Челси", "Интер" ва "Вольфсбург" клублари ҳам қизиқиш билдираётгани борасида хабарлар бор.
