Италия А Серияси 25-турининг марказий ўйинида Миланнинг "Интер" жамоаси Туриннинг "Ювентус" клубини қабул қилди. Учрашув "нерадзуррилар"нинг 3:2 ҳисобидаги ғалабаси билан якунланди.
Финал ҳуштаги янграганидан сўнг, "кекса синьора" бош мураббийи Лучано Спаллетти учрашув ҳаками Федерико ла Пеннага ташланди. Мутахассис ҳакамнинг ишидан жуда норози бўлган. Бу ҳақда "Gazzetta dello Sport" нашри хабар бермоқда.
Стадионнинг трибуна ости йўлагида мутахассис ва рефери ўртасида тўқнашув содир бўлган. Жанжалда, шунингдек, Жоржо Кьеллини ва Дамьен Комолли ҳам иштирок этгани кузатилган.
Мағлубиятдан сўнг "Ювентус" 46 очко билан А Серия жадвалида бешинчи ўринни эгаллаб турибди. "Интер" (61 очко) эса биринчи ўринда ишонч билан бормоқда.
