"Тоттенхэм"нинг португалиялик ярим ҳимоячиси Жоау Пальинья ижара муддати якунлангач, "Бавария"га қайтиши мумкин. Бу ҳақда журналист Экрем Конур хабар бермоқда.
Манбанинг маълумотига кўра, "шпорлар" хавбекни 31 миллион еврога сотиб олиш ҳуқуқига эга, бироқ Томас Франк истеъфога чиқарилганидан сўнг, клубда ушбу келишувнинг мақсадга мувофиқлигига шубҳа пайдо бўлган. Пальинья ажойиб ўйин кўрсатаётганига қарамай, "Тоттенхэм"ни футболчининг ёши (ёзга бориб у 31 ёшга тўлади) ва кейинчалик қайта сотишдаги паст трансфер қиймати хавотирга солмоқда.
Лондон клуби таркибида Пальинья барча турнирларни ҳисобга олганда 34 та ўйин ўтказиб, бешта гол урди ва ўз ҳисобига учта голли узатмани ёздириб қўйди.
