Мадриднинг "Реал" клуби ярим ҳимоячиси Федерико Вальверде жамоанинг жорий мавсумдаги Чемпионлар лигасидаги ғалаба қозониш имкониятларини баҳолади.

Жорий мавсум "қаймоқранглилар" учун турлича кечмоқда ва ҳозирги вақтда Альваро Арбелоа жамоаси энг нуфузли еврокубокнинг асосий фаворитлари қаторига киритилмаяпти.

"Биз Чемпионлар лигасида ғолиб чиқа оламизми? "Реал" сардоридан "йўқ" деган жавобни эшитиш уятли бўларди. Агар тўрт соатдан машғулот ўтказиш талаб этилса — биз буни қиламиз. Ушбу клуб футболчиларининг 100 фоиз футболга ва ғалабаларга эътибор қаратишига лойиқдир", — дея "Madrid Zone" Вальверденинг сўзларини келтирмоқда.

Мадридликлар Чемпионлар лигасининг плей-офф босқичи ўтиш ўйинларида (нимчорак финал йўлланмаси учун) "Бенфика"га қарши баҳс олиб боришади. Биринчи учрашув 17 февраль куни Лиссабонда, жавоб ўйини эса 25 февраль куни Испания пойтахтида бўлиб ўтади.