«Барселона» бош мураббийи Ханс-Дитер Флик Испаниядаги ҳакамлик даражаси ҳақида навбатдаги фикрларини билдирди. Немис мутахассисидан Ла Лига ҳакамларига баҳо бериш сўралди.
«Аввал ҳам айтганман: мен бунга таъсир ўтказа олмайман. Барчамиз инсонмиз ва хато қиламиз, муҳими — шу хатолардан хулоса чиқариш. Мен буни ўз жамоамдан ҳам, ҳакамлардан ҳам кутаман. Хато қилиш — инсоний ҳолат, лекин яхшиланиш устида тўғри ишлаш керак. Ҳамма холис бўлиши лозим — ҳакамлардан айнан шуни кутаман. Бироқ якунда барибир барчамиз хатога йўл қўйиши мумкин бўлган инсонлармиз», — деди Флик матбуот анжуманида.
Ҳозирда Ханс-Дитер Флик жамоани Ла Лига доирасидаги «Жирона»га қарши сафар ўйинига тайёрламоқда. Учрашув 16 февраль, душанба куни бўлиб ўтади.
