Мадриднинг «Реал» клуби ҳужумчиси Гонсало Гарсия жамоадоши Трент Александр-Арнольд ҳақида ўз фикрларини билдирди.

«Трент улкан истеъдод эгаси эканлигини барчамиз биламиз. У жамоага ёрдам бермоқда. У менга узатган ўша ажойиб пасни голга айлантирмасликнинг иложи йўқ эди», — дея Гарсиянинг сўзларидан иқтибос келтирмоқда Madrid Zone.

Испания чемпионатининг 24-турида «Реал» ўз майдонида «Реал Сосьедад»ни 4:1 ҳисобида мағлуб этди. Гарсия майдонда тўлиқ 90 дақиқа ҳаракат қилди ва Трентнинг узатмасидан сўнг битта гол урди.

Трент 2025 йилнинг ёзида «Реал» футболчисига айланган эди. «Қаймоқранглилар» таркибида у барча турнирларни ҳисобга олганда 13 та ўйинда иштирок этди ва иккита голли узатмани амалга оширди.