Мадриднинг «Атлетико» клуби бош мураббийи Диего Симеоне ўз жамоасини қанчалик қаттиқ яхши кўришини айтди.
«Ушбу клубга бўлган туйғуларимни таърифлаш учун сўз топа олмаяпман. Менга кўрсатилаётган меҳр-муҳаббат учун миннатдорман. Шунингдек, футболни худди мен каби эҳтирос билан намойиш этаётган футболчиларимдан ҳам миннатдорман. Буни таърифлашга сўз ожиз», — деди Симеоне матбуот анжуманида.
Эслатиб ўтамиз, аргентиналик мутахассис 2011 йилдан бери «Атлетико»ни бошқариб келмоқда. Испания чемпионатининг жорий мавсумида «матрасчилар» 23 та ўйин ўтказиб, 45 очко жамғаришди. Айни дамда жамоа турнир жадвалида учинчи ўринни эгаллаб турибди.
