Испания чемпионатининг 24-турида «Атлетико» сафарда «Райо Вальекано»дан йирик ҳисобда мағлубиятга учради — 0:3.

40-дақиқада Фран Перес ҳисобни очди. Орадан беш дақиқа ўтиб, Оскар Валентин мезбонларнинг устунлигини оширди. «Матрасчилар» дарвозасига учинчи голни 76-дақиқада Нобель Менди киритди.

Ушбу мағлубиятдан сўнг «Атлетико» (45 очко) турнир жадвалида тўртинчи ўринга тушиб кетди. Қизиғи шундаки, бундан аввалроқ, 12 февраль куни мадридликлар Испания Кубоги ярим финалининг дастлабки ўйинида «Барселона»ни 4:0 ҳисобида тор-мор этган эди.

«Райо Вальекано» 25 очко жамғарган ҳолда Ла Лига жадвалида 16-ўринга кўтарилиб олди.

Испания Ла Лигаси, 24-тур

15 февраль, 20:15. «Вальекас» стадиони.

«Райо Вальекано» — «Атлетико» — 3:0 (2:0)

Голлар: 1:0 – 40 Фран Перес, 2:0 – 45 Валентин, 3:0 – 76 Менди.

«Райо Вальекано»: Баталья, Лежен, Менди, Эспино, Рацю, Херард Гумбау (Лопес, 83), Валентин, Палазон (Вертроуд, 64), Фран Перес (Диас, 64), Ахомаш (Нтека, 74), Де Фрутос (Альваро Гарсия, 64).

«Атлетико»: Облак, Хименес, Лангле (Льоренте, 63), Руджери (Варгас, 57), Молина, Мендоса (Ле Норман, 56), Кардозо (Лукман, 63), Гонсалес, Баэна (Альварес, 57), Серлот, Альмада.

Огоҳлантиришлар: Альваро Гарсия (90) — Кардозо (29), Мендоса (52), Льоренте (70).