«РБ Лейпциг» футболчиси Ян Диоманде катта эҳтимол билан келаётган ёзда жамоасини ўзгартиради. 19 ёшли вингер учун курашда «Бавария» ва Англия Премьер-лигаси грандлари тўқнаш келишади, деб хабар бермоқда инсайдер Фабрицио Романо.
«РБ Лейпциг» ҳозирча ёш юлдузнинг нархи борасида бир қарорга келмаган, бироқ футболчига бўлган талаб жуда юқори. Мюнхенликлар устози Венсан Компани ивуарлик иқтидор эгасини юқори баҳоламоқда.
Transfermarkt портали талқинига кўра, Ян Диоманденинг нархи 45 млн еврони ташкил этади, аммо аввалроқ тарқалган миш-мишларга ишонилса, «қизил буқалар» 100 млн евро атрофида маблағ сўрашлари мумкин.
