«Манчестер Юнайтед» жорий мавсум якунланганидан сўнг жамоага топ-мураббий тайинлаши мумкин. Бу ҳақда Topskills Sports UK журналистлари хабар бермоқда.
«Қизил иблислар» раҳбариятининг қизиқишлар доирасида айни дамда Германия миллий терма жамоасида фаолият юритаётган германиялик мутахассис Юлиан Нагельсманн бор. Манкунианликлар мутахассиснинг эҳтимолий тайинлови бўйича дастлабки музокараларни бошлаб юборишган.
Аввалроқ матбуотда германиялик мураббийнинг хизматларига «МЮ»нинг ашаддий рақиби — «Манчестер Сити» ҳам қизиқиш билдираётгани ҳақида хабар берилган эди.
Юлиан 2023 йилнинг сентябридан бери Германия терма жамоаси устози лавозимини эгаллаб келмоқда. Томонлар ўртасидаги меҳнат шартномаси муддати 2028 йил июнь ойи охирида тугайди.
