«Барселона» ярим ҳимоячиси Марк Касадо ёзги трансфер ойнасида жамоасини ўзгартириши мумкин.
Бош мураббий Ханс-Дитер Флик 22 ёшли футболчининг ўйини ва фидойилигидан мамнун, клуб раҳбарияти ҳам испанияликнинг қобилиятини юқори баҳоламоқда. Шунга қарамай, Sport нашри берган маълумотга кўра, «Барселона» келаётган ёзда футболчи бўйича тушадиган таклифларни кўриб чиқишга тайёр. Жамоада ярим ҳимоячилар етарлича топилади, шу сабабли унинг сотиб юборилиш эҳтимоли анча юқори.
Transfermarkt портали Марк Касадонинг нархини 25 млн еврога баҳоламоқда, унинг амалдаги меҳнат шартномаси 2028 йилнинг ўрталаригача мўлжалланган.
