Италия чемпионатининг 25-туридан ўрин олган ўйинда «Наполи» ва «Рома» жамоалари дуранг ўйнашди — 2:2. Конте жамоаси учун нафақат очко йўқотилиши, балки футболчининг жароҳат олиши ҳам муаммога айланди. Анчадан бери асосий таркиб ўйинчиси ҳисобланган албаниялик ҳимоячи Амир Ррахмани жароҳат олди.
У жамоанинг шундоқ ҳам тўлиб-тошган лазаретидан жой олди. Учрашувнинг 70-дақиқасида Уэсли Франснинг ёриб киришини тўхтатишга бўлган муваффақиятсиз уринишдан сўнг, Ррахманини алмаштиришга тўғри келди. Ушбу вазият «Наполи» дарвозасига пенальти белгиланишига сабаб бўлди. Дониэлл Мален ундан унумли фойдаланди, Ррахманининг ўрнига эса майдонга Алиссон тушди.
«Наполи» А Серия турнир жадвалида учинчи ўринни эгаллаб турибди, «Рома» эса тўртинчи поғонада бормоқда.
