Italiya chempionatining 25-turidan o‘rin olgan o‘yinda «Napoli» va «Roma» jamoalari durang o‘ynashdi — 2:2. Konte jamoasi uchun nafaqat ochko yo‘qotilishi, balki futbolchining jarohat olishi ham muammoga aylandi. Anchadan beri asosiy tarkib o‘yinchisi hisoblangan albaniyalik himoyachi Amir Rraxmani jarohat oldi.

U jamoaning shundoq ham to‘lib-toshgan lazaretidan joy oldi. Uchrashuvning 70-daqiqasida Uesli Fransning yorib kirishini to‘xtatishga bo‘lgan muvaffaqiyatsiz urinishdan so‘ng, Rraxmanini almashtirishga to‘g‘ri keldi. Ushbu vaziyat «Napoli» darvozasiga penalti belgilanishiga sabab bo‘ldi. Doniell Malen undan unumli foydalandi, Rraxmanining o‘rniga esa maydonga Alisson tushdi.

«Napoli» A Seriya turnir jadvalida uchinchi o‘rinni egallab turibdi, «Roma» esa to‘rtinchi pog‘onada bormoqda.