Мадриднинг «Реал» клуби футболчиси Винисиус Жуниор Европанинг кучли бешлик чемпионатларида рақиб жарима майдончаси ичида тўпга энг кўп тегиниш бўйича биринчи ўринда бормоқда. Бу ҳақда Statmuse статистик портали эълон қилган маълумотлар далолат бермоқда.

Бразилиялик футболчи ҳисобида 216 та тегиниш мавжуд. Кейинги ўринда унинг жамоадоши Килиан Мбаппе (194) қайд этилган бўлса, учинчи поғона «Барселона» аъзоси Ламин Ямалга (187) насиб этди.

Шунингдек, кучли ўнталикдан қуйидаги футболчилар жой олди: Луис Диас («Ливерпуль», 176), Эрлинг Холанд («Манчестер Сити», 151), Майкл Олисе («Бавария», 149), Лаутаро Мартинес («Интер», 141), Кенан Йилдиз («Ювентус», 135), Муҳаммад Салоҳ («Ливерпуль», 134) ва Янкуба Минте («Брайтон», 133).