Мадриднинг «Атлетико» клуби бош мураббийи Диего Симеоне Ла Лига 24-туридан ўрин олган «Райо Вальекано»га қарши баҳсдаги мағлубиятга (0:3) муносабат билдирди.
Симеоне жамоа дарвозабони Ян Облакнинг «чемпионатдаги кураш тугади» деган фикрларига жавоб қайтарди.
«Мен унинг фикрига қўшилмайман. Футболчилар қўлларидан келган барча ишни қилишди, бироқ рақиб яхшироқ ҳаракат қилди. Йигитларни танқид қилишга асос йўқ. Энди чоршанба кунги ўйинга эътибор қаратишимиз керак», — дея Симеоненинг сўзларидан иқтибос келтиради Marca.
Мавсумнинг қолган қисмидаги мақсадлар ҳақида гапирар экан, Симеоне ўз шогирдлари ҳар бир баҳсда худди сўнгги ўйиндагидек майдонга тушишлари лозимлигини таъкидлади.
18 февраль куни «Атлетико» Мадрид Чемпионлар лигаси плей-офф босқичи доирасида сафарда Бельгиянинг «Брюгге» жамоаси билан тўқнаш келади.
