«Бенфика» бош мураббийи Жозе Моуриньо Чемпионлар лигаси плей-офф босқичи доирасида Мадриднинг «Реал» клубига қарши бўлиб ўтадиган ўйин ҳақида фикр билдирди.

«Шубҳасиз, бу жуда қийин ўйин бўлади. Бу плей-оффнинг фақат биринчи қисми. «Да Луш»да Трубин ҳужумда ўйнамайди. Мен бундай тўқнашувларга ўрганиб қолганман, бутун умрим давомида шу иш билан шуғулланганман.

Кўпинча одамлар биринчи ўйинда у ёки бу сабабларга кўра маълум бир натижага эришиш керак деб ўйлашади. Мен эса якуний натижа фақат жавоб ўйинидан кейин бўлишини айтаман.

Биз биринчи ўйинни совуққонлик, амбиция ва ишонч билан ўтказамиз. Биз Чемпионлар лигаси қиролларига нима қилганимизни биламиз... Улар яраланган. Яраланган қирол эса хавфли бўлади», — дея Моуриньонинг сўзларини келтирмоқда Sport.es.