"РБ Лейпциг" вингери Ян Диоманде "Ливерпул"га мухлислик қилаётгани ҳақидаги миш-мишларга муносабат билдирди.
"Кўпчилик бу менинг орзумдаги клуб эканлигини айтди. Аммо энг аввало, бу отамнинг севимли клуби. У қачондир мени ўша ерда кўришни жуда хоҳлайди, чунки "Энфилд"даги муҳитни жуда яхши кўради. У ҳар доим Стивен Жеррардга қойил қолган", - дея Диоманде сўзларини келтиради BILD.
Жорий мавсумда 19 ёшли ҳужумчи барча мусобақаларда 24 та ўйинда майдонга тушиб, 9 та гол урди ва 6 та голли узатмани амалга оширди.
Аввалроқ Диоманде хизматига "Бавария", "ПСЖ", "Манчестер Юнайтед", "Манчестер Сити", "Барселона" ва Европанинг бошқа топ-клублари қизиқиш билдираётгани ҳақида хабарлар тарқалган эди.













