«Атлетик»нинг юлдуз вингери Нико Уильямс ўтган дам олиш кунларида «Реал Овьедо»га қарши ўйинни ўтказиб юборди. Бильбао клуби расмий сайтининг хабар беришича, Уильямс жамоанинг яқин орадаги учрашувларида ҳам иштирок этмайди.
«Атлетик» баёнотида қайд этилишича, Уильямс пубалгия (қовуқ соҳасидаги сурункали оғриқ) туфайли мустақил мутахассис назоратида даволанишни бошлаган. Нико махсус дастур асосида муолажа олади, унинг тикланиши эса соғайиш динамикасига боғлиқ бўлади — аниқ муддатлар ҳозирча маълум эмас.
Аввалроқ матбуотда Нико Уильямс ноқулайлик (оғриқ) билан ўйнаётгани ҳақида ёзилган эди. Жорий мавсумда футболчи 26 та расмий ўйинда майдонга тушиб, 4 та гол урди ва шерикларига 6 та голли узатмани амалга оширди.
