Италиянинг «Ювентус» клуби ҳужумчиси Жонатан Дэвид жароҳат олди ва навбатдаги ўйинни ўтказиб юборади. Бу ҳақда журналист Жанлука Ди Марционинг сайти хабар бермоқда.
Манба маълумотига кўра, Дэвиднинг чов соҳасида ноқулайлик (оғриқ) бор. У 17 февраль кунига белгиланган Чемпионлар лигаси доирасидаги Туркиянинг «Галатасарой» жамоасига қарши баҳсда майдонга тушмайди. Ўз навбатида, охирги турда «Интер» билан ўйинда иштирок этмаган ярим ҳимоячи Кефрен Тюрам қайдномага киритилган ва майдонга тушиши мумкин.
Канадалик 26 ёшли ҳужумчи жорий мавсумда клуб миқёсидаги 34 та ўйинда 7 та гол урди ва 5 та голли узатмани амалга оширди.
