«ПСЖ» ҳужумчиси Усмон Дембеле УЕФА Чемпионлар лигаси доирасидаги «Монако»га қарши учрашув олдидан ноқулайлик ҳис қилмоқда. Унинг ўйиндаги иштироки шубҳа остида қолмоқда. Бу ҳақда Х ижтимоий тармоғидаги The Touchline саҳифаси хабар берди. Чемпионлар лигасининг илк ўтиш ўйини эртага, 17 февраль куни Монакодаги «Луи II» стадионида бўлиб ўтади.
Манбанинг маълумотига кўра, Дембеле «ПСЖ» машғулотларидан бирида оёғидан жароҳат олган ва Лигa 1 нинг 22-тур учрашуви унинг ҳолатини янада ёмонлаштирган — жароҳат сабабли у 74-дақиқада майдонни тарк этишга мажбур бўлган.
Жорий мавсумда Усмон Дембеле клуб сафида барча турнирларда 24 та ўйинда иштирок этди. Унинг ҳисобида 11 та гол ва еттита голли узатма бор. Transfermarkt портали маълумотларига кўра, футболчининг баҳоси 100 млн еврони ташкил этади.
