Келаётган ёзда «Челси» ҳимоячилар Тосин Адарабиойо, Бенуа Бадьяшиль ва Трево Чалобанинг сотилиши бўйича таклифларни кўриб чиқишга тайёр. Бу ҳақда TEAMtalk нашри хабар бермоқда.
Манбаларнинг маълумотига кўра, клуб раҳбарияти ушбу футболчиларни жамоа даражасига мос эмас деб ҳисобламоқда. Шу сабабли, уларнинг сотилиши энг тўғри қарор сифатида кўрилмоқда.
«Аристократлар» сотувдан тушган маблағни бўлажак трансферлар учун сарфлашни режалаштирмоқда. Клубнинг асосий мақсадларидан бири — «Ноттингем»нинг бразилиялик ҳимоячиси Мурилло бўлиб турибди.
