Германиялик мутахассис Ханси Флик "Жирона"га қарши баҳсда имкониятни бой берган "Барселона"нинг навбатдаги мағлубиятига изоҳ берди. Амалдаги чемпион 1:2 ҳисобида мағлуб бўлди ва Фликнинг фикрича, каталонияликлар ҳимояда жуда ёмон ҳаракат қилишган.
"Биз ҳимояда жуда ёмон ўйнадик, айниқса ўтиш фазасида. Позиция танлашда хатоларга йўл қўйдик, кўп адашдик. "Атлетико"дан учралган йирик мағлубиятдан сўнг ҳамма ғалаба қозонишни жуда истаганди, лекин бугун яна омадимиз келмади. Ҳакамлик ҳақида гапиришни истамайман, ҳамма ҳаммасини ўз кўзи билан кўрди", — дея Фликнинг сўзларини келтиради "Барселона" расмий сайти.
Ушбу муваффақиятсизлик натижасида "Барселона" Испания чемпионати турнир жадвалида биринчи ўринни қўлдан чиқарди.
