"Реал" вингери Винисиус Жуниор дунёнинг энг яхши футболчиси ким деган саволга жавоб берди. У 40 ёшли хорватиялик ярим ҳимоячи Лука Модрични алоҳида эътироф этди. Ҳозирда ярим ҳимоячи "Милан" шарафини ҳимоя қилмоқда.

Бразилиялик футболчи фахрий футболчининг машғулотларда жуда тиришқоқ бўлганини тан олди. Модрич ўзидаги спортча ғайратни сақлаб қола билган ва доимо ёш футболчиларга нимадир ўргатиб келган.

"Футболда Модричдан яхшироқ ҳеч ким йўқ. Ҳозир у "Милан"да, ўтган йили эса "Реал"да эди. У дунёда энг зўри. Ақлдан озиш ҳеч гап эмас! Мен уни ҳақиқатан ҳам соғинаман, чунки у бизга доим нимадир ўргатарди. У ютқазишни ёмон кўрарди, ҳатто машғулотларда ҳам. У ижобий маънода жуда жиззаки эди!" – дея Винисиуснинг сўзларидан иқтибос келтирди журналист Фабрицио Романо ўзининг ижтимоий тармоқларида.