Саудия Арабистони футболи раҳбарияти Англиянинг "Манчестер Юнайтед" клубини мамлакатга жалб қилиш бўйича йирик лойиҳа устида ишламоқда. "Times Sport" нашрининг хабар беришича, саудияликлар манкунианликларнинг 2026 йил ёзидаги мавсумолди тайёргарлик ўйинларини ўз майдонларида ўтказиш истагида.

Ушбу ташриф ва ўртоқлик учрашувларини ташкил этиш эвазига "МЮ"га 18 миллион фунт стерлинг миқдорида маблағ тўланиши айтилмоқда. Агар келишув амалга ошса, бу клуб учун молиявий жиҳатдан энг фойдали тижорий турлардан бирига айланиши мумкин.

Ҳозирча клуб раҳбарияти ушбу таклифга расмий муносабат билдирмаган, бироқ Саудия томони "Юнайтед"ни ўз мамлакатида кўриш учун жиддий ҳаракат қилмоқда.