«Марсель» хўжайини Фрэнк Маккорт яқиндагина бош мураббий истеъфосини бошдан кечирган жамоа қароргоҳига етиб келди. Бу ҳақда GFFN нашри хабар бермоқда.
Роберто Де Дзербидан ташқари, спорт директори Меҳди Бенатиа ҳам жамоани тарк этиш истагини билдирган эди. У янги мураббий тайинлаш масаласида президент Пабло Лонгория билан бир тўхтамга кела олмаган. Бенатиа «Ренн»дан бўшатилган Хабиб Бейе номзодини қўллаб-қувватлаётган эди.
Бенатианинг кетиши ҳақидаги хабарлардан сўнг, Бейе номзоди бутунлай кун тартибидан тушгандек туюлганди. Бироқ Маккорт спорт директорини ортга қайтарди ва унга кенгроқ ваколатлар бериб, президентнинг ваколатларини чеклаб қўйди.
Шу тариқа, Хабиб Бейе яқин вақт ичида «Марсель» билан музокаралар ўтказиши ва жамоа бошқарувини қўлга олиши кутилмоқда.
