"ПСЖ" ҳужумчиси Усмон Дембеле фаолиятини Англияда давом эттириши мумкин.
"Fichajes" нашри берган маълумотларга кўра, Лондоннинг "Арсенал" клуби ҳужумчини сотиб олишга қизиқиш билдирмоқда. "Канонирлар" раҳбарияти жорий ёзда француз футболчисининг трансферини амалга ошириш имкониятларини кўриб чиқмоқда. Ҳозирча футболчининг ўзи бундай трансферга тайёрми ёки йўқми, номаълум бўлиб қолмоқда.
Усмон Дембеле 2023 йилда "Барселона"дан "ПСЖ"га 50 миллион евро эвазига ўтган эди. Унинг амалдаги шартномаси 2028 йил 30 июнгача мўлжалланган. Жорий мавсумда ҳужумчи Париж клуби сафида барча турнирларда 24 та ўйинда майдонга тушиб, 11 та гол урди ва еттита голли узатмани амалга оширди. "Transfermarkt" портали Дембелени 100 миллион еврога баҳоламоқда.
