«Ювентус» ҳимоячиси Бремер Чемпионлар лигаси доирасидаги «Галатасарой»га қарши ўйинда жароҳат олди.
Учрашувнинг 27-дақиқасида бразилиялик футболчи ўнг оёғи сонининг орқа қисмини ушлаганча майдонга ўтириб қолди. Шундан сўнг ҳимоячини майдон ташқарисига олиб чиқишди. Бремер ўйинни давом эттиришга ҳаракат қилиб кўрди, бироқ бир неча дақиқадан сўнг барибир захирага олинди. 34-дақиқада унинг ўрнига Федерико Гатти майдонга тушди.
Эслатиб ўтамиз, Бремер ўтган мавсумнинг катта қисмини тиззасидаги хочсимон боғламлар жароҳати туфайли ўтказиб юборган эди. Жорий мавсумда эса унда тизза медиал менискининг ёрилиши кузатилганди.













