"Ливерпуль" ярим ҳимоячиси Доминик Собослаининг агенти ўз мижозининг келажаги ҳақидаги саволга жавоб берди.

Сўнгги вақтларда миш-мишлар хавбекни Мадриднинг "Реал" клубига ўтиши билан боғламоқда.

"Жамоатчилик Доминикнинг ўйинларини кузатиб, унинг келажакда қаерда бўлишини муҳокама қилиши мутлақо табиий ҳол. Биз учун бу мавзу ҳозир долзарб эмас. Мавсум айни авжида, олдинда Премьер-лига, Англия кубоги ва Чемпионлар лигасида кўп иш кутиб турибди. Менимча, ҳозир ёзда нима содир бўлиши ҳақида гапириш ўринсиз. "Ливерпул" – дунёдаги энг йирик клублардан бири, Собослаи бу ерда муҳим роль ўйнамоқда, шунинг учун биз ҳеч нарса қидираётганимиз йўқ", – дея инглиз ОАВлари 25 ёшли футболчи вакилининг сўзларидан иқтибос келтирмоқда.

Жорий мавсумда Доминик Собослаи "қизиллар" сафида 35 та ўйинда майдонга тушиб, ўнта гол ва еттита ассистни ўз ҳисобига ёздириб қўйди.