"Пари Сен-Жермен" ярим ҳимоячиси Витинья Чемпионлар лигаси доирасидаги "Монако"га қарши ўйиндан (3:2) сўнг журналистлар билан суҳбатлашди.
Монегасклар тезкорлик билан иккита гол уришди – Фоларин Балогун 18-дақиқадаёқ дубль қайд этди. Меҳмонлар танаффусгача Дезире Дуэ ва Ашраф Ҳакимийнинг ҳаракатлари билан ҳисобни тенглаштиришга улгуришди, иккинчи бўлимда эса ўша Дуэ яна битта гол уриб, парижликларга ғалаба келтирди.
"Бу шунчаки фантастика. Биз иккита тезкор гол ўтказиб юбордик, жуда қийин бўлди, лекин характер кўрсатиб, вазиятни ўнглай олдик. Дуэ ва захирадан тушган бошқа йигитлар бизга жуда катта ёрдам беришди. Дезире шунчаки феноменал. Бизда тўғри руҳият бор эди, иккита гол ўтказгандан кейин ажойиб ўйин кўрсатдик. Жавоб ўйинига ҳисоб 0:0 дегандек ёндашишимиз керак. Бор кучимизни берамиз ва яна ғалаба қозонишга ҳаракат қиламиз", – дея УЕФА Витиньянинг сўзларидан иқтибос келтирмоқда.
Жавоб ўйини келаси чоршанба куни Парижда бўлиб ўтади.
