Олдин хабар берганимиздек, «Андижон» селекция жараёнида тажрибали ўйинчилар билан бирга келажаги порлоқ футболчиларга ҳам эътибор қаратмоқда.
Яқинда Анталиядаги йиғинга жамоа сафига қўшилган истеъдодли ярим ҳимоячи Сайфиддин Содиқов расман «Андижон» аъзосига айланди. У билан меҳнат шартномаси имзоланди ва ярим ҳимоячи клуби шарафини ҳимоя қилади.
Сайфиддин Содиқов 2008 йилнинг 27 июнь санасида Тошкент шаҳрида таваллуд топган. У “Одил Жуниор” академияси тарбияланувчиси саналади.
Бунгача биринчи лигада “Аҳмедов ФК” жамоасида ўйнаган. Шунингдек, ўтган йили Ўзбекистон U17 терма жамоамиз таркибида Осиё чемпиони бўлди ва жаҳон чемпионатида қатнашди.













