Мадриднинг "Реал" клуби хавбеки Орельен Тчуамени Чемпионлар лигаси плей-офф босқичининг Лиссабоннинг "Бенфика" жамоасига қарши кечган дастлабки учрашувидаги можарога изоҳ берди. Ўйин давомида "қаймоқранглилар" ҳужумчиси Винисиус Жуниор ирқий камситувчи ҳақоратларга дучор бўлган эди.
"Жамоада ҳамма Винисиусни қўллаб-қувватлайди. У бизга ҳаммасини айтиб берди, лекин "Бенфика" футболчиси буни инкор этмоқда. Биз ҳатто майдонни тарк этмоқчи ҳам бўлдик. Аммо Вини давом эттиришимиз ва ғалабага эришишимиз кераклигини айтди. Биз айнан шундай қилдик. "Реал" лойиқ бўлган ғалабасини қўлга киритди", – дея "SoFoot" француз футболчисининг сўзларидан иқтибос келтирмоқда.
Ўйин "қаймоқранглилар"нинг 1:0 ҳисобидаги кичик ғалабаси билан якунланди. Жавоб учрашуви келаси ҳафта Мадридда бўлиб ўтади.
