Чемпионлар лигаси плей-офф босқичининг илк тўқнашувида Лиссабоннинг «Бенфика» жамоаси ўз майдонида Мадриднинг «Реал» клубига 0:1 ҳисобида имкониятни бой берди. Учрашувдаги ягона гол муаллифи Винисиус Жуниор бўлди.

«Бургутлар» устози Жозе Моуриньо бразилиялик футболчининг голини юқори баҳолади ва бундай зарбани такрорлай оладиган фақат икки футболчи номини айтди.

«Винисиусдан ажойиб гол. Бундай зарбани фақат Мбаппе ёки Неймар даражасидаги футболчи такрорлай олиши мумкин эди. Бундай ўйинчини ҳурмат қилиш керак, у билан доимий можароларга киришмаслик лозим», — дея «Special one» (Махсус инсон) сўзларини келтирмоқда «Marca» газетаси.

«Реал» ва «Бенфика» ўртасидаги жавоб ўйини келаси ҳафта бўлиб ўтади.