Chempionlar ligasi pley-off bosqichining ilk to‘qnashuvida Lissabonning «Benfika» jamoasi o‘z maydonida Madridning «Real» klubiga 0:1 hisobida imkoniyatni boy berdi. Uchrashuvdagi yagona gol muallifi Vinisius Junior bo‘ldi.

«Burgutlar» ustozi Joze Mourinyo braziliyalik futbolchining golini yuqori baholadi va bunday zarbani takrorlay oladigan faqat ikki futbolchi nomini aytdi.

«Vinisiusdan ajoyib gol. Bunday zarbani faqat Mbappe yoki Neymar darajasidagi futbolchi takrorlay olishi mumkin edi. Bunday o‘yinchini hurmat qilish kerak, u bilan doimiy mojarolarga kirishmaslik lozim», — deya «Special one» (Maxsus inson) so‘zlarini keltirmoqda «Marca» gazetasi.

«Real» va «Benfika» o‘rtasidagi javob o‘yini kelasi hafta bo‘lib o‘tadi.