Мадриднинг «Реал» клуби бош мураббийи Альваро Арбелоа Чемпионлар лигаси доирасида «Бенфика» устидан қозонилган ғалаба (1:0) ҳақида фикр билдирди. Учрашувдаги ягона гол 50-дақиқада Винисиус Жуниор томонидан киритилди.
«Жамоам ижросида кўришни истаган энг муҳим нарса — бу жипслашган ва жиддий ўйин. Ушбу кайфиятга барқарор равишда амал қилсак, ўйинларни назорат қила оламиз. Бугун биз кўпроқ гол уришга лойиқ эдик.
Агар бугунги баҳсни ўтган ой шу ерда ўтказган ўйинимиз билан таққосласак, сезиларли ўсишни кўриш мумкин», — деди Арбелоа матбуот анжуманида.
Жавоб учрашуви 25 февраль куни Мадридда бўлиб ўтади.
