Ҳужумчи Коди Гакпо «Ливерпуль»ни тарк этиши мумкин. Бу ҳақда журналист Уилсон Кокс хабар бермоқда.
Манбанинг берган маълумотларига кўра, «қизиллар» шу ёзда нидерландиялик футболчини сотиш вариантини кўриб чиқишга тайёр. Бунга «Ливерпуль»нинг янги мавсум олдидан таркибни қайта шакллантириш (қайта қуриш) истаги сабаб бўлмоқда.
Гакпонинг «Ливерпуль» билан шартномаси 2030 йилнинг ёзига қадар амал қилади. Жорий мавсумда у 34 та ўйинда майдонга тушиб, 7 та гол урди ва 4 та голли узатмани амалга оширди.
