"Галатасарой" бош мураббийи Окан Бурук Чемпионлар Лигаси плей-оффининг дастлабки ўйинида "Ювентус" (5:2) устидан қозонилган ажойиб ғалабага изоҳ берди.
"Бу унутилмас ўйин бўлди - клубимиз тарихи учун ҳам, турк футболи тарихи учун ҳам. Рақиб - жуда катта клуб, аммо биз жуда яхши курашдик. Барча футболчиларимни табриклайман ва ажойиб мухлисларимизга раҳмат айтмоқчиман.
Биз, айниқса, Европанинг топ-клубларига қарши ўйинларда мотивацияга эга бўламиз ва ҳақиқатан ҳам юқори даражани кўрсатамиз. Аммо биз фаворит ҳисобланган ўйинларда ҳисобни оширишимиз керак. Бунга эришиш учун бизда куч ва салоҳият бор", - дея Бурукнинг сўзларини келтиради УЕФА.
Жавоб учрашуви 25 февраль куни Туринда бўлиб ўтади.
