"Ньюкасл" форварди Ник Вольтемаде ватанига қайтиш ниятида. Бу ҳақда SPORT BILD хабар бермоқда.
Манбага кўра, 24 ёшли германиялик ҳужумчи Англияда мослаша олмаган ва сўнгги пайтларда асосий таркибдаги ўрнини йўқотиб қўйгани учун жамоадаги ҳолатидан норози. Таъкидланишича, Вольтемаде "Штутгарт"га қайтишни истамоқда.
"Қирқлар" таркибида Вольтамаде барча мусобақаларда 38 та ўйинда майдонга тушиб, ўнта гол урди ва тўртта голли узатмани амалга оширди. Transfermarkt маълумотларига кўра, футболчининг бозор нархи 70 миллион еврони ташкил этади.













