Мадриднинг "Реал" клуби марказий ҳимоячиси Эдер Милитао тўп билан машғулотларни бошлади, деб хабар бермоқда Marca газетаси.
Бразилиялик футболчи декабрь ойи бошида "қироллик клуби" лазаретига тушиб қолган эди. У Испания чемпионати доирасидаги "Сельта"га қарши баҳсда сонидан жароҳат олганди. Матбуотда Милитаонинг тикланиши учун тахминан тўрт ой вақт кетиши хабар қилинган эди.
Испания Ла Лигасининг жорий мавсумида 28 ёшли ҳимоячи "қироллик клуби" сафида 13 та учрашувда иштирок этди. Бразилиялик футболчи ўз ҳисобига битта гол ва битта голли узатмани ёздириб қўйган, шунингдек, иккита сариқ карточка олган.
Ҳимоячининг "Реал" билан шартномаси 2028 йилнинг ёзига қадар мўлжалланган.
