Март ойининг охирида Испания ва Аргентина терма жамоалари амалдаги Европа чемпиони ва Америка Кубоги соҳиби сифатида Финалиссима кубоги учун курашадилар. Ўйинга бир ойдан кўпроқ вақт бор бўлса-да, жамоа мураббийлари аллақачон тайёргарликни бошлаб юборишган.
"DSports Radio" нашрига таяниб "The Touchline" хабар беришича, аргентиналиклар вингер Ламин Ямални қандай қилиб тўхтатиш ҳақида бош қотиришмоқда. Режага кўра, Ямалга қарши шахсий таъқибда кучли бўлган ҳимоячи Николас Тальяфико ҳаракат қилади. Бундан ташқари, Лионель Скалони жисмоний жиҳатдан бақувват ярим ҳимоя чизиғини шакллантирмоқчи ва у ердаги бир футболчи ўзини "қурбон қилиб", бор эътиборини Ямалга қаршилик кўрсатишга қаратади. Аргентиналиклар Ламин майдонда доимий равишда икки рақиб қуршовида қолишини исташмоқда.
Испания ва Аргентина учрашуви 27 март куни бўлиб ўтади.
